Suchmaschinenoptimierung

Suechmaschineoptimierig oder SEO (vom englische search engine optimization) bezeichnet Massnahme, wo mer vornehmt, um Websiitene im organische Suechmaschineranking (also i de unbezahlte Suechergebniss) uf höhere Plätz erschiine z'loh.

D Suechmaschineoptimierig esch es Teilgebiet vom Suechmaschinemarketing. S wird unterteilt i OnPage- und Offpage-Opitimierig. OnPage sind Änderige wo mer direkt a de Websiite a sech chan vornäh ums Ranking z verbessere. Dazue ghöret zum Biispel d Siitestruktur und de textlechi Inhalt. OffPage send Sache wo ned direkt vo der Websiite her chönd beiiflusst werde. Das wäred zum Biispell Backlinks vo andere Siitene.